القصيدة التالية من إبداع الشاعر هادي الرزقي ..
ربما قد سمعها الكثير منكم خاصةً من تابع الحلقات التسجيلية
لشاعر المليون في نسخته الثانية ..
ولقد أعجبتني هذه القصيدة بشكل كبير حيث أن لها مدلولات كبيرة ..
ويتضح فيها عفة البدوي وحرصه على جاره وأهل بيت جاره ..
ياجار كانك طعتنـي برقـع الطيـر
طيرك وحش وقلوبنـا مستميتـه
لولاي رجلٍ من رجال بهـم خيـر
ماصد واغض النظر مـن بخيتـه
ياجار طيرك كل ماعرّض اعصيـر
مـدري علامـه يلتفـت مادعيتـه
يمر كنّـه شـارد الصيـد لاذيـر
لابوه لابـو حـي حيّـه ، وميتـه
اغير,وانذر ، وانذر القوم ، واغير
وابيع روحـي ، وانهـزم لابغيتـه
[[ يردّنـي ياجـار طبـعٍ لنـا غيـر
الجـار مانـدرج لغـرات بيـتـه ]]
يبقا على حشمه ، وشيمه ، وتقدير
ويـروح عنّـي بالـردا ماقفيتـه
من خوف شيِ مابعد صار ، ويصير
يامّا هدمـت البيـت ، والاّ بنيتـه
بعدٍ عـن الهيّـن معـزّه وتوقيـر
ورجمٍ على غيـر النقـا مابديتـه
يحدنـي يـم الخطـا دون تبريـر
اللـي بلانـي بالهـوى ، مابليتـه
وانا بشر منـي خطايـا وتقصيـر
والله يغفـر كـل ذنــبٍ جنيـتـه
وسلامتكم
