فضيحة بنات الخبر ( الله يستر عليكم وعلينا )

كنت أتمشى في الخبر بالمنطقة الشرقيه

وكنت على موعد مع صديقي زي العادة

كل اربعاء يمرني بعد صلاة العشاء نتمشى

الى الساعة عشر ونتعشى وبعد العشى نتمشى في الواجهة البحرية

الى صلاة الفجر وفي هذا اليوم اختلف البرنامج تماماً مرني صديقي

وطلعنا وسوالف وقال بمر السوق اللي هو السويكت

قلت له لا تروح هناك قال يا رجال نتفرج (( لاحوووووول ))

قلت اليوم اربعاء وزحمة واكيد فيه هيئة قال وش علينا كل العالم تروح المهم رحنا

دخلنا السوق وكان مزحوم وكانت الهيئة موجوده وبشكل كبيرة اكثر من سيارة

المهم أخذنا لفة وحدة وكان قلبي مش مرتاح قلت فيه شي او راح يصير شي

وحنا في اللفه الثانية رحنا مع شارع الخياطين ( ورى السوق ) وهناك لقينا سيارتين للهئية

واقفين متخفين بعيد وكأنهم يراقبون احد المهم قلت لخويي قلبي قابضني فيه

شي بيصير لا تترك الشارع هذا خذ لفة ثانية المهم وحنا في اللفه الثانية

الا الشارع فيه زحمة وصوت كلام عالي ومانشوف شي سيارات زحمة

والسيارات واقفه قلت افتح الباب واوقف المهم

فتحت الباب ووقفت لقيت واحد من الهيئة يصارخ

على اربع بنات ووحدة منهم هي اللي تصارخ عليه وتتكلم معاه وشوي وهو

يقول لها ما اقدر امد يدي عليك خليها تجي بالطيبه وهي تقول انت خليت فيها

طيبة المهم قال شغلك معاي قالت له البنت

اسرع خيول ابوك اركبه واذا انت رجال الحقني المهم ركبوو السيارة وهو يقول

لأخوياة وراهم ولا تتركونهم وقمنا حنا لفينا يمين ورحنا نتفرج طلعت السيارات

اللي شافت الزحمه وانطلقت السيارة اللي فيها البنات ومسرعين على الكورنيش

ووراهم سيارتين حقت الهيئة وحنا ومعانا سيارات زحمة نلحقهم المهم السيارات

في سرعة عالية مرة

وهنا يبان لنا انها مطاردة ياساتر على السرعة وانا وخويي الغبي اقوله هيييييي

السرعة وانا خايف من جد لان صديقي اندمج وهو يلحق السيارات وانا يا فلان

اتركهم وش علينا منهم وهو هذا تخصصه يحب يشوف علشان العالم كلها تدري

صاير(واس) المهم وحنا وراهم وجاء الدوار الكبير حق الكورنيش وكل السيارات

مسرعين والسيارة اللي فيها البنات

اول سيارة في المطاردة وشوي وفي الدوار يا الله سرعة جنونية وسيارة الهيئة

وراهم نفس السرعه وقرر يجي جمبهم سواق البنات تفاجاء من جد وشوي الا هو

فوق الدوار وتنقلب سيارة البنات ومن جمب الدوار وتنقلب وتطلع من الجهة

الثانية وهنا في بنت من قوة الانقلاب طلعت من السيارة بدون عبايه

واخيرا وقفت السيارة بعد اربع قلبات وسيارة الهيئة صدمت في الدوار ولا انقلبت

وانا هنا وقف شعر راسي وجاتني مثل الدوخه وخويي وقف سيارته

نزل قلبه قوي وانا قلبي قوي بس منظر البنت سبب لي مشكلة لمدة سنة تقريباً

اذا ذكرت الموقف المهم شوي ونزلت ورى صديقي وعاااااااااالم واقفين واللي يسوق

سيارة الهئية واقف منبهر يبكي وحاط يدينه على راسه

وبعض الشباب جزاهم الله خير يبون يشيلون البنات قمت انا وكم واحد غطيناهم

ما ندري هم أحياء ولا أموات وبالصدفه نزل واحد كان مع زوجته وولد صغير طلع دكتور وجاء مسرع

وبقلب قوي وقام يكشف على وحده وحدة ويمسك يدها ومن بنت الى بنت

واخر شي راح للبنت اللي طلعت اثناء الانقلاب وقام من عند البنت ووقف الدكتور

والعالم كلها تناظر فيه ونزل راسه قال الله يرحمهم هنا العالم انبهرت وترحموا عليهم وقمنا وغطيناهم بعد ما كشف الدكتور

وشوي الا جاء واحد يطالع في سيارة البنات يمين شمال وراح من هنا ومن هنا وراح وشاف رقم اللوحة

وقام يبكي قال له واحد تعرفهم قال إييييييه يقربوون لي

قال له تعوذ من الشيطان يمكنك غلطان قال لا يقربوون لي

قال اكشف على وجيههم قام كشف عن وجة بنت بنت من وحدة الى وحدة وعرفهم طلعو البنات










الاربع :-














وحدة بنت السبيت

والثانية بنت الهاص

والثالثة بنت الديمن

والرابعة بنت الشيرياء

وطبعا طلعوا مائة

100
ههههههههههههههههههههههههه هههههههه بلوت

تعيشون وتاكلون غيرها

حسوا باللي حسيت